08.02.2023-cü il tarixində UNEC-in nəzdində Sosial-İqtisadi Kollecdə UNEC-in “Maliyyə və audit” kafedrasının dosenti Zöhrab Paşayev tərəfindən “Vergi siyasəti” adlı təlim keçirildi. Təlim zamanı Zöhrab Paşayev vergi anlayışı, vergi siyasətinin mahiyyəti, formaları və vergitutmanın prinsipləri haqqında ətraflı məlumat verdi. O, müasir dövrdə vergi siyasətinin iqtisadi inkişafa və qeyri-neft sektorunun inkişafına, o cümlədən, Şərqi Zəngəzur və Qarabağ iqtisadi rayonlarında aparılacaq vergi siyasətinin həmin regionun iqtisadi inkişafına təsirlərindən söhbət açdı. Həmin regionların iqtisadi inkişafına dövlət kreditlərinin ayrılması, kiçik və orta biznesin inkişafına göstərilən diqqətdən, güzəşt müddəti 2023-cü il 01 yanvar tarixində başa çatmış sahələrin gələcək güzəşt istiqamətlərindən bəhs etdi. Sonda, Zöhrab Paşayev müəllim və tələbələrlə fikir mübadiləsi apararaq təlim iştirakcılarının s suallarını cavablandırdı.
