“Narkotik haqda həqiqəti öyrənək”

Azərbaycan Dövlət İqtisad Universitetinin UNEC nəzdində Sosial-İqtisadi Kollecdə narkomaniya ilə bağlı kollecin psixoloqu Xalidə Kərimova “Sosial iş” ixtisası üzrə 2-ci kurs, 712 saylı qrupda maarifləndirici seminar keçirdi.
Qrupda narkomaniyanın və narkotik maddələrin zərəri, onun sosial və psixoloji nəticələri, maddi və mənəvi ziyanları, nakotik maddələrin beyinə təsiri, uzun müddət narkotik maddədən istifadə edən şəxslərdə nələr baş verdiyi barədə tələbələrə ətraflı məlumat verildi. “Narkotiklər haqqında həqiqəti öyrənək və birlikdə mübarizə aparaq! 802 qaynar xətti” Reablitasiya Mərkəzi haqda geniş məlumat verildi.
Qrup tələbələrindən Əhmədova Nərmin “Narkotik maddələrin istifadəsinin ailə daxili problemlərə bilavasitə yol açması”, Mehdiyeva Fidan “Narkotik maddələrin istifadəsi və cəmiyyət”, Səfərov Ramil və s. “Gənclər və narkomaniya” mövzusunda öz fikirlərini bildirdilər.